Posts

Showing posts from July, 2023

60. Ninkwenda Murungu umenyage

 1.   Ninkwenda Murungu umenyage, Ni ngwiragua mono nigwe; Tontu nunthithagia bwega, Ûgampenda magita jonthe. 2.   Irio biakwa birîa ndîîjaga, Rüüjî ruria nyuunyaga; Kinya nguũ iria mbîkagira, Bionthe nogwe umpeejaga. 3.  Mwoyo naju nogwe wampeere, Nigwe ugiragia nkue; Ûkebeeria inya yaku, Ntîkarîkia ithaa rimwe.  4.  Gwe müthenya kinya ütuků, Niümenyagira bûbwega; Metho jaku ijantegagîîra, Muundu-ne o na weru-ne. 5.  Uni ntiumba gugukaathîîra, Wega bwaku Mwathani; Indi ndakuromba ütümage, Nkwende mono na nkwiigague.

61. Kiumo kĩa mawega jonthe,

  1.  Kiumo kĩa mawega jonthe, Jaria jatwijagîira, Ni Mutharaba jwa Jesû; Juria jwarungîkirwe. 2.  Mathiina ja nthĩ jandema, Na mookia janthangîkia, Mutharaba jukanditana; Ûria We oombanire. 3.   Ndiiria anthu bakamena, Untu bwa Riitwa rĩawe, Nkariikana urîa Jesû; Aarekeere aremi. 4.  Riria antu bagampayia, Na acore banguute, Mütharaba jükanditana, Mithangîko ya Jesû. 5.  Mütharaba jütharimaga, Mawega na mathiina; Kenda türitanwa nijo, Jatwikira umenyo. 6.  Twinagireni Mütharaba, Jüria jwaambirwe Jesû, Tontu nijütwonagîîria, Ndeeria tweendaga gwîta.

62. Munene wa bonthe

 1.   Munene wa bonthe, Nakaathagwe kunthe, Ni untũ bwa inya, Na wendani bwawe; Atumenyagïïra, Arî rûrigene, Rûria ruri nkanya Rwa mwago nokumio. 2.  Athithagia mantũ, Ja inya na wendo, Ningi neekagirwa, Weru na ukumio, Eejaga na matu, Nthĩ îgatetema: Na nacionanagia, Na ruuo na rweni. 3.  Nthigürû înthongi, Iria We oombire; Ni ncuku înene, Ûtonga bubwingĩ, We naamîrikiirie, Itikebaebage; Aramiîrigira Na ndüüjï inyingi. 4.  Nüũ ükaritana, Ûmenyeeri bwawe? Bûri manganyoni, bwenagia weru-ne; Bûtondorokaga, Kuuma irîmene; Itharimo biawe, Ni ngai na ime. 5.  Tui aana ba tîîri, Itwagaga inya; ndi tuteethagua, Ni utugi bwawe, We niwe Mwathani; Mucore, Mwendani, Tütüüraga bwega, Wendo-ne buũ bwawe. 6.  Igwe Mwene Inya, Gwe Wendo büünene; Ûria ûkumagua, Ni bonthe na ndwimbo, Nitügükwerenca, Igua nkaatho cietu, Iría ciûjûrîte, Rwimbo-ne rüûrwetu.

63. Mücoore ütwire meeyie-ne

 1.   Mücoore ütwire meeyie-ne, Ja nthigürû jaküümbîte, Ûkaagirîka kûrî îcookio, Ita Jesû akwoonokie. Riitwa riu rĩa Jesû, Riitwa riria riri inya, Riitwa riu ria Mwathani, Ni riitwa riria ritwoonokagia. 2.  Baba watinda irabu-ne, Kunyua ncoobi, urîîrua nî mookĩa, Ncoobi tiyo îrî na îcookio, Ita Jesû agakwoonokia 3.  Nti üthiûrukanîtie na aga, Ûkieendaga kurorerua; Ni nja yaku ukuthuûkia, Jesû niwe Muga wa aga. 4.   Miago nîîtaîîte babaingî, Bakiugaga ka bakurĩa maisha; Ûtüûro bwega ni kwa Jesû, Riitwa rîria rionokagia.

64. Tügügükaatha Mürungu wa kiao

 1.  Tügügükaatha,  Mürungu wa kiao. Na tharike ya Jesû  Müküüri wetu. Haleluya! Twagûkaatha, Haleluya! Amen Haleluya! twakûromba Ûtütharime. 2.  Ûtütharime,  ütüüjürie nkoro, Wendani bunene  na wîtîkîri. 3.  Türîgukaatha  tontu bwa Kirundu, Niwe ûtûteethagia  magita jonthe. 4.  Jesû agacoka,  tugwirueni mono, Na kugwirua  gukwingi tütîkûnoga.